અંતર્યામી!

નાહક એમને સંદેશા મોકલી,
લોહીનું પાણી કરું છું,
દિલમાં એમની તસવીર કોતરી,
જીવન માણી લઉં છું.

એમની યાદોમાં કવિ બની,
શબ્દોની ઊજાણી કરું છું,
હ્રદય પરા હાથ મુકી,
એમની જ વાણી સાંભળુ છું.

એમનાં ચિંતનથી દુર રહી,
પ્રેમની ચકાસણી કરું છું,
ને એમનાથી વિખુટા રહી,
અંતર્યામી બની જાણી લઉં છું.

-- નિર્મલ પાઠક "સત્વ".

જીવન

જીવનની એકલતા દિલને કોરી ખાય,
જ્યારે ગળે લાગણીનો ડૂમો ભરાય,
ત્યારે પ્રિયતમનો વિરહ વર્તાય.

આંખો એમની યાદથી ઝળઝળાય,
ચહેરો આંસુનાં વરસાદથી ભીંજાય,
ને મનને એમના દર્શનની ઇચ્છા થાય.

એમનું આંચલ કઇ રિતે વિસરાય,
હર એક પળ સદીની જેમ કપાય,
ને લાગે જાણે મોતથી રાહત થાય.

-- નિર્મલ પાઠક "સત્વ".