શબ્દાર્થ કરતાં ભાવાર્થ સમજવો વધારે મહત્વનું છે. ~ નિર્મલ પાઠક "સત્વ".

સગવડ આપતાં પેહલાં સમજણ આપવી વધારે મહત્વની છે. ~ નિર્મલ પાઠક "સત્વ"

વિચારશીલ જીવન.

કોઈ પણ માણસ નાનો કે અસામાન્ય નથી હોતો. જ્યાં સુધી માણસ વિચારતો નથી ત્યાં સુધી એને પોતે નિરર્થક છે એમ લાગે છે.

જે દિવસે તમે વિચારશીલ થશો એ દિવસથી તમે પોતાને સક્ષમ માનશો અને જીવન સાર્થક કરશો.

~ નિર્મલ પાઠક "સત્વ".

ગુરુ વિચારનું બીજ રોપી શકે, પરંતુ એનું આચાર રૂપી વૃક્ષ શિષ્યે જાતે જતન કરી ઊગાડવું પડે. ~ નિર્મલ પાઠક "સત્વ".

આજના માનવીની વિડંબણા એ છે કે, તેને સમજણ કરતાં વળતર વધારે જોઈએ છીએ. ~ નિર્મલ પાઠક "સત્વ".

જેવાં સંસ્કાર તેવાં વિચાર અને જેવાં વિચાર તેવાં આચાર. ~ નિર્મલ પાઠક "સત્વ".

સમજવું અને અનુભવવું માં એટલો જ ફરક છે, જેટલું ભોજન જોવું અને જમવું. ~ નિર્મલ પાઠક "સત્વ".

જરૂરિયાત જેટલી વધારો એટલી વધે, પછી એ ભૌતિક સુખની હોય કે આત્મ સુખની! ~ નિર્મલ પાઠક "સત્વ".

ભોજન પહેલાં ભજનનું મહત્વ સમજાશે ત્યારે જ પ્રભુ સમજાશે! ~ નિર્મલ પાઠક "સત્વ".

મજા માટે બધાં જ જીવે છે, બીજા માટે જીવે તે સાચો માનવી! ~ નિર્મલ પાઠક.

આજનાં ભારતમાં, સ્ત્રીમાં શરમ અને પુરુષમાં સંયમની ઊણપ છે.

- નિર્મલ પાઠક "સત્વ".

સમાજ

બ્રાહ્મણ જ્ઞાની, ક્ષત્રિય દાની, વૈશ્ય ત્યાગી અને શુદ્ર ઈમાની હોય તો સમાજ સમૃદ્ધ થાય.

- નિર્મલ પાઠક 'સત્વ'.

મિત્ર તને હું શું કહું?

મિત્ર તને હું શું કહું? ભાઈ કહું કે બાપ?

જીવનનાં દર ડગલે, કેવળ તે જ આપ્યો સાથ.

મિત્ર હતો મારો એવો, જાણે યોદ્ધાની ઢાલ;

સખત ઠંડી સહન કરી, મને ઓઢાડી શાલ.

બાળપણમાં જે હાથ મેળવ્યાં, બન્યો યુવાનીનો સંગાથ;

આમ કેમ ટુંકાવી મિત્રતા, તારાં કેમ રુંધાયા શ્વાસ?

સાથે વિતાવેલી પળો, અપાવે તારી યાદ;

તારાં અનેકો છે ઉપકાર,  કેમ કરી ચુકવું મારાં યાર?

=== ૐ ===

મારો વ્હાલો મિત્ર મિતેષ ઉર્ફે "ગોપાલ" ને સમર્પિત.

જેણે બુધવાર, શ્રાવણ વદ ચૌદશ, સં. ૨૦૭૦. તા. ૦૩-૦૯-૨૦૧૩ નાં રોજ માત્ર ૩૧ વર્ષની ઉંમરે દેહ છોડ્યો.

~ નિર્મલ પાઠક "સત્વ".

માણસ મનન અને ચિંતન કરતો હોવો જોઇએ, ભોજન અને પ્રજનન તો પ્રાણીઓ પણ કરે છે.

~ નિર્મલ પાઠક "સત્વ".